A+ A A-


Кандыдат ад АГП Альшэўскі даказаў парушэнні выбарчага заканадаўства

Оцените материал
(10 голосов)

Кандыдат у дэпутаты па Нёманскай выбарчай акрузе №56  ад партыі АГП Сяргей Альшэўскі звярнуўся ў аддзел унутраных спраў Дзятлаўскага райвыканкама з заявай аб тым, што на адным з участкаў для галасавання адзін член сям’і атрымаў бюлетэнь за другога члена сям’і і прагаласаваў.


Ягоны зварот па факце выяўленых парушэнняў заканадаўства аб выбарах пад нумарам О-201 ад 12.11.2019 быў накіраваны па падведамаснасці ў Дзятлаўскі раённы выканаўчы камітэт для разгляду.


14 лістапада адбылося пасяджэнне акруговай выбарчай камісіі, якая прызнала факт парушэння выбарчага заканадаўства, паведамляюць “Праваабаронцы за свабодныя выбары”.

Яшчэ адна скарга была накіраваная Альшэўскім у акруговую камісію на кандыдата ў дэпутаты Уладзіміра Сіняка, намесніка генеральнага дырэктара па будаўніцтве ВРУП "Гроднааблгаз", які балатуецца па гэтай жа акрузе.

Альшэўскі паведаміў пра парушэнне Сіняком працэсу вырабу друкаванай прадукцыі на прадпрыемстве, якое не ўключана ў Дзяржрэестр выдаўцоў, вытворцаў і распаўсюднікаў друкаваных выданняў, якія маюць такое правам. Сяргей Альшэўскі прасіў камісію прыбраць усю прадукцыю, вырабленую з парушэннем выбарчага заканадаўства. Акружная выбарчая камісія прызнала факт парушэння і вынесла Сіняку папярэджанне.

Праўда, што да агітацыйных паліграфічных матэрыялаў – вырашана пакінуць усё як ёсць.

“Ці сапраўды гэта чэсныя выбары?” – задаецца пытаннем у відэазвароце кандыдат Сяргей Альшэўскі.

 

Архіў навінаў

Рассылка

      

Design © WKN.BY | All rights reserved.